Jowai: Kam chi bynta wow pynwyrngia ya kiwa maya film, khamtam kiwa em i bahkhlieh hei wow kyntu kynrong ya ki kaam chna Film Pnar hapoh ka jylla, da rai wow pynyoo paidbah ya ka Film INAMORATO ha District Library Auditorium, Jowai, khnang wa ki khon khynroo khyllood kamjooh ki bru wa da heh tymmen wa ki khynnah u yohlaad ki wow pait ya kani ka film.
Ha kani ka 21 tarik Sngi chohthat daw pynyoo ya kani ka film heipor 1:00 waje nohchariñ ka sngi, kawa ar won heipor 3:30 janmiet katwa kawa khaddooh won u pynyoo heipor 6:00 waje janmiet, kamtæ da yooluti wa ki paidbah u kyrchaan ki ya kani ka film deiwa yamih paidbah ki wow pait ya kani ka film. I dor ticket toh T. 100 donhi.
Kani ka film toh kawa em yumut bha khamtam kawa klam hajrong kawi na ki phang kawa jia ha ka imlang sahlang katkam ka juk wa katni.
Neiliang u Director kani ka film da ong u wow ku ki film hapoh ka jylla emkaam wa ki bru u mih paidbah ki wow kyrchaan ya ki film khnang wa ki film hapoh ka jylla yong i u ku ki.
Da ong u wa deiwa leh kamni daw ye ki u wanrah naam wei burom yaka jaidbru kamjooh leh u man ko ka laad wow ye u e khih e kreh ya ki khynnah khynroo khyllood wei wow pynyoo kamjooh leh wow kynrong ya ka sap yong ki.
Kamtæ da kyntu biang ya ki paidbah wow yawan ki cha kani ka sngi wow sakhi ya kani ka film.
Kani toh katkam wa pyntip u Jimmy R Kharmuti u Director kani ka film.
[arve url=”https://www.facebook.com/wyrta.wyrta/videos/2038317473072611/” /]
Discussion about this post