Rah ka Sabah yei naam jop ha ka 1st Division Football Tournament 2017

Jowai: Ka 1^st Division Football Tournament 2017 kawa tip leh kam ka 7^th Chatister Kharkongor Memorial Trophy,da pynman ya ka yakhun wa khadooh ynne ka sngi hapyrdi ka Mynthong SC wa ka Sabah SC ha Kiang Nangbah Stadium, Ladthadlaboh kawa pynman da ka WJDSA.

Hanlada joor u slap wa ka la-er ka yalehke da lai bait ko heiwa ka Sabah da jop ko da 3-0. U Chiborlanghame Shylla da thap u ya ka kool wa nyngkong ha ka minit wa 19 pynbood won sa u Heipormi Shylla ha ka minit wa 35. Kamtæ ka kylla step da kut ko 2-0.

Ha ka kylla miet won u Damechwa Dkhar da pyntam u sa chi kool ha ka minit wa 71 wei kani ka kool da neh ko hadooh wa kut.

Yei naam “Man of the Match” da yoh u Chiborlanghame Shylla na ka Sabah.

Yei naam “Top Scorer” won da yoh u Niponghi Sumer uwa yalehke na ka Lumiawmuchai Shangpung.

Related posts

Khut ka Kyrmen Foundation wa ka Rangdajied United FC ya ki khynnah chynrang wa kynthai ka East Jaiñtia cha ka Trial ka Kynsai Football Coaching

March 17, 2026

District Cricket League: Jop ka Khliehtyrchi wa ka Goodwill Mupliang

March 14, 2026

Yei naam “Best Goal Keeper” da yoh u Rimi Dkhar yong ka Sabah.

Da e leh ya ka song poisa T. 20,000 ya ki wa jop wei T. 10,000 cha ki wa rem.