Saam khusnaam ka skur H.K.Singh cha 27 ki khynnah wa leh bha ha ka eksamin SSLC

Jowai : Ynne ka sngi ka skur H.K. Singh Memorial Secondary School da lehkmen Advance Christmas ko weiwa da pynkup burom ko leh ya ki khynnah wa pass bha ha ka eksamin SSLC 2015 hei emlang ki khynnah puræ ka skur kamjooh ki nongsikai wa ki dkhot ka School Managing Committee (SMC).

Ya kani ka sngi da pynman hei yalang wa tbian wa da pynlai da u u ma G.M. Lamar, Chairman SMC uwa da e leh ya ki kyntien lamphrang ha kani ka sngi. Ki khynnah puræ klas-X da e yei rwai wa ki chaad lehkmen Kristmas wa i ngooh Blai da e da ka Blessme Lamare. Ki kyntien neibynta ka Kristmas da e da ka kong Lakshmi Passah, Assistant Teacher.

U Headmaster ka skur u ma T. Passah hei klam yong oo da pynkynmoo u ya waroh ki khynnah wa da chah pynkup burom em ki jar jar i parom wa kammon poi ki cha ki kyrdan yong ki wot ha pyrdi ki ki chitom saja wa tyngkhooh ki khlem ran dien.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da yaroh u leh ya ki kynnah wa da ye ki u wanrah burom ya ka skur nadooh ki wa yoh ya ki ‘Highest Marks’ wa ya kiwa da ye u yoh distinction ha waroh ki 6 tylli ki subjek.

Da pynkup burom leh cha ki 27 ngut ki khynnah wa da wanrah burom ya ka skur da u Chairman ka SMC  wa u Rev H.H. Mohrmen heiwa da e ya ka certificate ki memento wa ka song poisa T. 2000.

Ha kani ka sngi da em leh ar ngut ki khynnah ka skur wa da yoh distinction ha waroh 6 tyli ki subjek kitæ toh u Ardamon Sten u wa yoh 88.83 % wa u Chenlang Pakma wa yoh 88.00 %.

Da yoh laad leh ki khynnah wa yoh khusnaam u e i klam wow pynchlur ya kiwi ki khynnah wa iyi emkaam u leh ki wow poi cha ka thong. Da pynkut ya ka yalang deiwa tympleh ya ka charak dei kyrkhu na u ma G.M. Lamar.