Jowai: Ka dong Lumtrom da yoh rah ko ya i naam jop ha ka U-14 Inter Dong Football Tournament deiwa pynrem ya ka dong Electric da 5-4 kool lyngba ka yachut Tie-breaker.
Ya kani ka Inter Dong Tournament da pynman da ka Ratacherra Cultural Sports Club ha madan yalehbol ka chnong Ratacherra, EJHD wei da pynkut ya ka ha ka 25 tarik uni u bnai.
Da wan skahi ya kani ka yalehke wa khaddooh da u MLA ka thaiñ u Hopeful Bamon.
U Bamon heiklam yong oo da ong u wa ka Football katni toh kawa ka-it bha ki bru hapoh India heiwa da pynamn hadooh ya ka World Cup U-17 hapoh ka ri. Kamtæ da kyntu u ya ki khynnah wow kreh chitom ki ha kani ka kaam yow ku ki cha khmat.
Ha kani ka sngi da emlang leh u Silent Sutnga Waheh Chnong warim ka Umkiang, u Rev. Dewanker Dhar, kiwa kitkam ka chnong kiwa kynthup ya u Waheh Chnong u Khamsngurbha Pohing, u Secretary Chnong u Rishot Pohleng wa kiwa chong chnong.
Discussion about this post