Jowai: Ka seiñ All Jaiñtia Students Union (AJSU) Shillong Circle da e khublei ko ya i wan ka Bacardi Weekender NH7 ha ka Ri-Loom Jaiñtia, deiwa ong ko wa hadooh katwon dap ko dei mynsien sarong wa ki khon khynroo khyllood na Ri-Loom Jaiñtia wa Khasi kiwa em ka sap wow yoh ki u pynyoo yei sap yong ki haphrang ki hajar ngut ki paidbah kiwa wan na kylleiñ ka Jylla hapoh ka Ri India wa kiwa wan leh na baar ka ri.
Da ong ko leh wa nei wan kani ka tamasa da wailaad ko ya ki khynroo khyllood wow kamai ja kpoh ki heiwa da ye ki u wai ya ki dukan cha wa i dai tiar wa ha rukom.
Ka seiñ da kyrmen ko leh wa lyngba kani ka tamasa, ki khynroo khyllood kiwa yohlaad wow pynyoo yei sap yong ki daw ku ki chaphrang ha kiwa boon ki liang,
Heijooh i por da yooluti ko wa lyngba kani ka NH7 daw ye ko wow riñ ya kiwa uiñke suwari wow wan cha Ri-Loom Jaiñtia yow yoh ki u yoo ya ka Ialong Park, Syntu Ksiar, Krangsuri, Shnongpdeng, Dawki wa kiwi kiwi kiwa ye u pynim ya ki tre chnong tre thaw.
Discussion about this post