Jowai: Ka yalehke Semi Final wa ar ha ka kyrdan Super Division wa pynman da ka EJHDFA da pynman ha pyrdi ka Sutnga SSCC pyrchah ya ka Byndihati FC ynne ka sngi.
Ka Sutnga da jop ko da chi kool kawa thap u Rilang Malang ha ka minit wa 46.
Ya ka Final u pynman ha pyrdi ka Umkiang SA pyrchah ya ka Sutnga SSCC ha ka 4 tarik u Khonchonglad (Nov) heipor chi waje i sngi.
Ha ka Above 35 won ya ka Semi Final wa ar da jop ka Byndihati SC ya ka Ionglang FC lyngba ki ar kool wa thap u Wanbiang Manner wa u Syrpai Dkhar ha ka minit wa 8 wa 14.
Ka Final Above 35 u pynman ha pyrdi ka Byndihati SC waka Sutnga SC ka wow pynman ha ka 3 tarik u Khonchonglad heipor chi waje i sngi.
Ya ka Women’s League won ka Final u pynman ha ka 3 tarik u Khonchonglad heipor 11 waje i step.
I thaw pynman ya kini ki Final toh ha madan bol Diengchynrum, EJH.
Discussion about this post