Jowai: U General Secretary ka BJP wa pait ya ki Scheduled Tribe & Scheduled Caste u Hayithung Bill Lotha ynne ka sngi hawa yaklam u wa kiwa pathai khubor ha Jowai da ong u wa u Dr. Mukul Sangma katni dooh thiah dooh dem bha u.
Da ong u wa yoosar wot tang ya kani ka Election leh ym yoh u wow yaleh nei tieñsar u wei daw yoh kjut Stroke u chwa ka Election.
“Lada oo (Dr. Mukul) toh u dap chynrang toh u wan u chaphang ha khmat ki paidbah wow yania wa ka BJP” da ong u Lotha hei yatoh wa ki kaam wa da leh ka sorkar Congress hapoh ka jylla.
Heijooh i por da ong u wa hapoh jylla chiboon emkaam ko ya ki kaam pynroi weiwa joor bha ki kaam baam-tooh hapoh kaani jylla waroh kawi.
“Heini ym em i chongsuk chongsaiñ, ym em u krehkaam ki scheme sorkar, liang wanang du iwa tlot hi-eh” da ong u Lotha.
Discussion about this post