Shillong: Ka 3rd India National Muaythai & Muay Boran Championship, 2017 wa ka 2nd Indian National Pro-Am Title Belt Championship wa pynman ha Shillong nadooh ka 2 tarik hadooh ka 5 tarik da uni u bnai da poi ko cha wa kut.
Kani ka lympung man ko leh wow jied ya ki wow mihkhmat ya ka ri cha ka IFMA World Championship ka wow pynman ha Cancun Mexico ha u Naisan 2018 wa cha ka FISU World University Championship ka wow pynman ha Pattaya, Thailand ha u Naiynñiaw 2018.
Ka jylla Meghalaya waka Rajasthan da yoh nynkong ki deiwa yoh ki mar 7 tylli ki takma ksiar.
Da pynman leh ya ka yakhun wa pyn chongchit ya ki paidbah heiwa ki arngut kiwa khian rta dooh u Mayank Saini uwa 6 snem na Rajasthan da pynrem u ya u Lalmuanawma Chawngthu wa dang 4 snem.
Ya ka jylla Meghalaya da yoh takma kini ha wah:
Takma Ksiar
1. Deitilin Ryntathiang – 36 kg
2. Isabella Thongni – 36 kg
3. Blaseibok kharbuli – 45 kg
4. Phibarihun (Young Cadets) -63.5 kg
5. Andrew Maring (Sub-junior) – 36 kg
6. Monica Nongrum (Senior) – 63.5 kg
7. Ebilities Diengdoh (Senior)- 60 kg
Takma Rupa
1. Johnlevorious Khriam – 44 kg
2. Mightyson Nonglang – 45 kg
3. Cleverson Diengdoh – 54 kg
4. Ibadarishisha Mukhim – 51 kg
5. Stephanson Thongni – 30 kg
Takma Tama
1. Tonroy Suting – 54 kg
Ya kani ka lympung da pynman ha SAI-STC Indoor Stadium NEHU Campus Mawlai da ka Muay Thai Association of Meghalaya wa kyrchaan poisa ka Muay Boran Association of India wa tipmit ka International Federation of Muaythai Amateur (IFMA) hei ya krehlang waka sorkar jylla.
Kani toh ka sien nyngkong wa ka jylla Meghalaya wa da pynman ko ya kani ka lympung heiwa da wan 240 ngut kiwa chimbynta na 19 tylli ki jylla ka ri.
Discussion about this post