Jowai: Ka Ia Ksoh Kti Lang Tuberkmai Shnong Society hei yakrehlang waka Nehru Yuva Kendra (NYK) da pynman ki ya ka esikai rep tit ha ka 20 tarik u bnai wa dadep ha Tuberkmai Chnong.
Ha kani ka esikai da em kamwa 30 ngut ki khynroo khyllood kamjooh ki manbei manpa kiwa da wan wow yoh chah hikai.
Ya ka yalang da pyllai da u General Secretary ka seiñ u Jassemy Phawa wa u Adviser ka seiñ u Tbn. Autonomous Phawa ya ki ktien pdiang sniawbha ya waroh.
Ya i sikai thung tit da e da ka Theilin Synnah wei ya i bynta wa ar wa kammon wow summar wow e um wei wow booh ya ki da e da ka Medalin Synnah.
Hajrong ini da ong wa emkaam u pynkhooid ya i thaw du ha i por wa thung ya u tit wei i chit wa biang dooh wow heh u toh u man 20 Degrees Celsius.
Hadien wa e ya i batai da pynbood won sa i pynyoo wow leh ya ini waroh nadooh wa thung hadooh wa heh u tit.
Discussion about this post