Jowai: Katkam ka yutip na ki pulit da ong wa ha ka 01 tarik uni u bnai u Md. Babul Choudhury da ujor u wa heipor 7:00 waje i miet kawi ka truck (NL-01Q-2908) da tyrrah ko ya u pyrsa u ha Byndihati (EJH) hadooh wa yap u.
Ha ka 02 tarik uni hi u bnai ki pulit da chem ki kawi ka truck (ML-04B-8844) wa yah da u Pynshngainlang Kympad, kawa kit mooyong tooh na Deinchynrum, EJH.
Ha ka 04 tarik heipor kamwa 5:00 waje i janmiet da em i yatyrrah kari hapyrdi ka thuk thuk wa ka Dumper Truck (ML-04C-0451) ha Yaaw Chiehruphi (EJH). Wei ha ini i jia uwa yah ya ka thuk thuk uwa tip kam u Indirect Ladong da dooh u yei mynsien yong oo.
Ha kani ka jooh ka sngi u Deibormi Toi, SDO, PHE, Amlarem (WJH) da ujor u wa ha kani ka sngi heipor 11:15 waje i miet uwi u bru wa tip kam u Love Liting da psiah tooh u ha ka Office u Toi dei thmu wow tooh ya ka synduk (safe) poisa na kani ka Office.
Ha ka 05 tarik uni u bnai heipor 2.30 i sngi heipor wa dang tih khyndaw u Ajit Hajong Amtoli (SWGH), i khyndaw da oor i wei da baan ka oo wei khlaad u pyn heini hi.
Ha ka 20 tarik uni u bnai wa dadep u Koiser Ali da ujor u wa heipor 6:58 waje i step da yoh phone u na u bru wa kam toh u 2nd Commander ka Garo People National Liberation Army (GPNLA) wei da dawa u T. 2 lak. Da chah maham u leh wa lada ym su u ya kani ka poisa daw chah tynyap u.
Discussion about this post