Jop ka Demthring ha ka Super Division ka WJDSA ynne ka sngi

Jowai: Ha ka yalehke 3^rd Division ka WJDSA wa pynman ynne ka sngi ha pyrdi ka Pasyih Dongmihsngi waka Lum Khongdong Kyndongtuber, ka yalehke da kut ko 2-2.

Ya ka Kyndongtuber da thap kool u Kerlang Shylla ha ka minit wa 21 wa u Wol Pakma ha ka minit wa 24 katwa ya ka Pasyih Dongmihsngi da thap u Elivis Siangshai ha ka minit wa 31 wa u Kitborlang Shylla ha ka minit wa 63.

Ha ka Super Division won ka Demthring da pynrem ko ya ka Dulong da 2-1. Ha ka kylla step ka Dulong da thap nyngkong ko ha ka minit wa 12 lyngba u Chapharang Laloo wei kani ka kool da neh ko hadooh wa kut ka kylla step.

Related posts

Khaddooh da yoh bor wow pynman ya ka Final ka Super Division ka WJDSA

January 29, 2026

Psiah Semi Final ka Kur Suchen United ha ka MLA Cup ha Assam

January 28, 2026

Ha ka kylla miet won hadien wa da yooluti waka Dulong da jop ko wei i por leh da jan kut i, ka Demthring syndet syndet da yoh ko u thap ar tylli ki kool lyngba u Spain Ryngkhlem ha ka minit wa 86 wei da pynbood sa u Phermiki Sutong ha ka minit wa 89.

Mynstep ka 11 tarik daw pynman 3 tylli ki yalehke ka 3^rd Division kawa sdang nadooh 11:30 pyrdi sngi ha pyrdi ka NSA SC pyrchah ya ka Mynsngat SC, pynbood saka Raiki FC pyrchah ya ka Iawmulong Nartiang SC heipor 1:00 i sngi, ha ka yalehke wa khaddooh won heipor 2:30 i sngi ka Nangbah Pohshnong SC won u yachem ko waka Salini SC.