Ym jooh em poisa ka sorkar u Mukul neibynta ki kaam pynroi: Conrad

Shillong: U Conrad K Sangma, MP ka Tura uwa man leh u National President ka NPP da ong u wa i synchaar embor u Dr. Mukul Sangma da wanrah ko chiboon i eh i khoo ya ki paidbah ha waroh kawi ka jylla. Ya ini da ong u ha ka Sngi Chohthat ha ka jingialang wow pynbna ya u kyrtong ka NPP na Mawryngkneng.

Da ong ruh u wa u Dr Mukul ym jooh em poisa u neibynta ki kaam pynroi, lada ki paidbah emkaam ki ya ki sarok, ki skur da ong bait u wa ka sorkar ym em poisa ko katwa pyllut ko da ki klur neibynta ki phlim wei chna ya ki yung dalan paki pyn ya oo kawa hadooh T. 15 klur.

Da ong u wa katkam ka CAG report yong u snem 2013-14 da chem wa ka sorkar jylla doohnong ko hadooh palat T. 700 klur na ka tnat mining, transport wa excise, wei ha ka CAG report yong u snem 2015-16 ka sorkar jylla da pynsepai ko hadooh T. 850 klur na kini ki jooh ki tnat wei ini jia i neidaw wa ymhoi ka sorkar wow krehkaam da pynsepai ko ya ka poisa wa em hok ki paidbah.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025