Jowai: Ka BJP ynne ka sngi da pynman ko ya ka Booth Sanmelan Convention namo ka yachem ki wakreh ka party ha ki Polling Booth hapoh ki ar District ka ri-loom Jaiñtia hadien wa da dep chna kamwa 330 tylli ki Polling Booth Unit yow pynkhreh ya kiwa em kamwa 4000 ngut kiwa chimkti ya kani ka kaam.
Ya kani ka yalang da pynman ha madan Jrisaleiñ, Chutwakhu Jowai heiwa da emlang u Nalin Kohli u National Spokesperson ka BJP uwa pait leh ya ka Meghalaya, u Shibun Lyngdoh Meghalaya State President, u Earnest Mawrie, Vice President, u David Khasrsati, Vice President, Bashai Khongwir, General Secretary, u Premanda Sharma, General Secretary Organising wa u Biswajit Signh u MLA ka BJP na Manipur uwa man leh u Montri PWD Works & Rural Development.
U Sharma da ong u wa kiwa kreh ha ka Polling Booth toh kiwa emkaam bha wei lada ki biang i krehkaam ki, ki Vote leh boon u yoh ka party.
Da ong u wa hapoh Meghalaya da em kamwa 2735 tylli ki Polling Booth wei ka BJP da dep chna Polling Booth Unit ko la 2 hajar tam.
Da ong u leh waka BJP em ko kamwa 11 Klur ngut ki dkhot kawa tam yei boon ki dkhot ka Communist Party wa em ha China. Kamtæ da pynkynmoo u wa u Narendra Modi heipor wa psiah u cha ka Party BJP da sdang u kam uwa kreh ha ki Polling Booth.
Da klam u leh ya kiwa boon ki Scheme wa sdang u Montri Rangbahdooh ka ri nadooh kiwa yarap ha ki por mynsoo, kiwa yarap ya ki khon kynthai wa kiwi kiwi.
Neiliang u Earnest Marie won da ong u wa ha kini ki 3 snem tam wa synchaar ka BJP ym jooh sñiaw ya ki kaam baam tooh wei da ong u leh i tlot ka sorkar Congress ym toh de iwa ke neibhah hapoh ka Meghalaya da pynkreh du ya ka 4th Pay Commission katwa cha kiwi ki jylla da pynkrehkaam da ka 7th Pay Commission ka wow pynku tulop ya kiwa kreh sorkar.
Discussion about this post