Jowai: U Chairman ka Bible Convention wei kiwa pynchait ya kiwa kjut, u Felix Synnah da ong u wa ka Bible Convention Divine Mercy Retreat Centre, Ladrymbai daw pynman ko nadooh ka 29 tarik hadooh ka 31 Kmaichonglad (December) 2017, ha madan Good Shepherd Parish Ladrymbai, East Jaiñtia Hills District.
U Bro. Mario Joseph uwa yalap uwa sumaar ya kiwa kjut uwa da pawnaam ha ka pyrthai chirup wa ka dhab yong oo na Potta, Kerela South India daw em ki ha Ladrymbai ha kini ki le sngi.
Da ong u leh wa ya kani ka Bible Convention wa i sumaar ya kiwa kjut daw pynman ha kini ki le sngi lynter wei daw wan wai ya ka da u Most Rev. Victor Lyngdoh D.D. Bishop ka Jowai Diocese, ryngkat wei emlang u Archbishop Thomas Menamparampil, Rev. Hilarius Lamare Vicar General ka Jowai Diecese, Rev. Manbha Pakem, Rev. Phadar Kuriakose Menamparambil wa kiwi kiwi.
Heijooh i por da ong u wa i pynkhreh ya kani ka Bible Convention da man i iwa lai bait chaaid chaaid.
Neiliang kiwa kitkaam yong ka Divine Mercy Retreat Centre kiwa pyllai ya kani ka Convention da kyntu ki ya ki paidbah wow yawan cha kani ka Convention.
Discussion about this post