Jowai: Ka yalehke 3rd Division ynne ka sngi yong ka WJDSA wa pynman ha madan Kiang Nangbah Stadium heiwa da pynyaleh hapyrdi ka Mookyndur wa ka Pateinki Sabah.
Ha kani ka yaleh ka Mookyndur da jop ko da 2-1. Ya ki kool ka Mookyndur da thap da u Jeril Mukhim ha ka minit wa 28 wa na u Jomsing Pariat ha ka minit wa 67 katwa ya ka kool ka Pateinki Sabah nawon da thap da u Bichar Shylla ha ka minit wa 27.
Ha ka yalehke Super Division nawon ka Khimusniang da jop ko ya ka Sohmynting da 3-2.
Ya ki kool ka Sohmynting da thap da u Rimilongleng Langshiang ha ka minit wa 17 wa na u Lastborn Suting haka minit wa 44.
Ya ki kool nawon ka Khimusniang da thap da u Pynshngainmi Suchiang ha ka minit wa 31 wa 48 wa na u Darimitre Syih ha ka 68 minit lyngba ka Penalty.
Mynstep ka 14 tarik ha ka 3rd Division ka M. Thadmuthlong SC u yachem ko waka Kh. Myntdu Neinshnong SC katwa ha ka Super Division won ka Chutwakhu SC u yachem ko waka 7 Wasa United.
Discussion about this post