Da ki phaw tylli ki truck chem ki pulit wa kit mooyong tooh na ki thaiñ Lumshnong

Jowai: Katkam ka yutip wa yoh na ki pulit da ong wa ha ka 9 tarik uni u bnai heipor kamwa 3:00 waje nohchariñ ka sngi ki pulit da kem ki ya ar tylli ki truck (1) AS-01CC-6413 wa yah da u Md. Jiaur Ali wa ka (2) AS-11BC-6895, kiwa kit mooyong tooh na ki thaiñ Lumshnong, EJH.

Ha ka janmiet yong ka 10 tarik ki pulit da chem ki ya 13 tylli ki truck wa kit mooyong tooh na ki thaiñ Lumshnong, EJH. Manda yoo kiwa yah ya ki pulit da yut wot ki na kini ki thaw.

Ha ka jooh hi ka sngi heipor janmiet da chem sa 15 tylli ki truck wa kit mooyong tooh na ka jooh ka thaiñ wei heini leh manda yoo kiwa yah ya ki pulit da yut wot kin a kani ka thaw.

Ha ka 11 tarik nawon i janmiet da chem ki pulit ya ki 12 tylli ki truck wa kit mooyong pyrchah ya ka hukum ka NGT na ka jooh hi ka thaiñ wei heini leh manda yoo ki ya ki pulit kiwa yah da yut wot ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024