Shillong: U Montri ka tnat Animal Husbandry & Veterinary, u HDR Lyngdoh ynne da wai paidbah u ya ka Livestock Development Centre (LDC) ha Krang Veterinary Dispensary, East Khasi Hills District hei emlang u Dr. B. Rijal, Director, AH & Veterinary Department, u B.K. Sohliya, OSD Meghalaya Institute of Entrepreneurship, Dr. K.K. Kharmihpen, Jt. Director, AH & Veterinary Department u L. Stepwar, President, Synjuk ki Rangbah Shnong, Krang wa kiwi kiwi.
Ya kani ka yalang da pynman da ka yungkrehkaam ka District AH & Veterinary Officer, East Khasi Hills District hei yakrehlang wa ka Meghalaya Institute of Entrepreneur (MIE).
U Lyngdoh hei klam da ong u wa kani ka Livestock Development Centre (LDC) toh kawa nyngkong hapoh jylla, deiwa pynrap leh wa daw em boon tylli ki LDC kiwa ka sorkar dang pynkhreh ko wow sdang ha kylleiñ ka jylla deiwa e yaroh leh ya ka yungkrehkaam District AH & Veterinary Officer, East Khasi Hills District wa ka Meghalaya Institute of Entrepreneur (MIE) kiwa da kreh na mynsien wow kyntu kynrong ya ka kaam rep.
Da pyntip u leh wa ka Livestock Mission yong ka sorkar jylla hi ka thong yong ka toh ym du wow pyndap pynbiang ya i dawa ya i doh wow baam hapoh ka jylla tangwa wot hadooh wow chalan leh ya i doh.
Kiwi kiwa da e i klam ha kani ka sngi toh u Dr. B. Rijal, Director, AH & Veterinary Department, u B.K. Sohliya, OSD Meghalaya Institute of Entrepreneurship, Dr. K K Kharmihpen, Jt. Director, AH & Veterinary Department, u L Stepwar, President, Synjuk ki Rangbah Shnong, Krang, ka Dr. (Mrs) Pakyntien, District A H & Veterinary Officer, East Khasi Hills District wa u Dr. R Nongdhar, AH & Veterinary Officer, Krang Veterinary Dispendary.
Discussion about this post