Shillong: Ka 64th All India Cooperative Week Celebration 2017 da sdang ya ka ynne hajrong ka phang “Empowering people through Digitisation of Cooperative” wa ka symbood phang namo ka sub theme “Good Governance and Professionalisation through Cooperative”.
Ya kani ka lehwarom wa chi tayaw da wai ha Sajer Hall, Nongpoh da ka Meghalaya Cooperation Minister, ka Roshan Warjri, hei emlang u H. Marwein, Additional Chief Secretary to the Government of Meghalaya, u C.P Gotmare, Deputy Commissioner cum Chairman ka Basin Development, Ri Bhoi District wa u Dr. B.D.R. Tiwari, Registrar of Cooperative Societies, Meghalaya.
Ya kani ka lehwarom da pynman da ka Cooperation Department, Government of Meghalaya chirrup wa ka State Level Cooperative Federation.
Ka Warjri hei klam da ong ko wa i dooh khih toh iwa ktah bha ya ka ri wa ka jylla hi waroh kawi katni, kamtæ emkaam bha wow kyntu kynrong ya i seiñ khih deiwa yakrehlang namo ka Cooperative Movement.
Da e yaroh ko leh ya ka Meghalaya Cooperative Apex Bank neibynta i chakri yong ka iwa khlem sangeh deiwa wai ya kiwa boon ki tnat kiwa da yarap ya kiwa na jngai chnong.
Ha kani ka sngi da pyllait leh ya ki kot lakdop (booklets and brochures) hei yatoh wa kani ka phang wei da saam leh ya ki memento wa ki certificate cha ka State Bank of India Employees’ Consumer Cooperative Store Ltd. wa ka Bluevilda Sweetly kawi na ki kiwa pynchlur wow seiñkhih dei yakrehlang ha ka imlang sahlang. Heijooh i por da em leh ka yaaw khian ha kani ka sngi.
Discussion about this post