Lehkmen Advance Christmas ka JSBPK wa ki khonswet ka NEIMA ha Sahsniang

Jowai: Chi bynta wow pdiang sñiawbha ya ka wan bru u khon U Blai cha kani ka pyrthai, na ka liang yong ka Jingiaseng Samla Balang Presbyterian Khimusniang da pynman yei lehkmen Khrismas wa ki khonswet yong ka NEIMA (North East India Mission Association) kawa em ha chnong Sahsniang, ha kani ka 19.12.2015.

Ha katai ka lehkmen ka Jingiaseng Samla Khimusniang da pynman ya ka prokram ha pchem hyllaw yong katai ka thaw ri khonswet, heiwa da pynlai ya ka yalang da u Chairman ka Jingiaseng Samla ma L.S Thubru weiwa da yoh leh ya ka khubor Khristmas na u Rev. K. Syiemlieh Adviser ka Jingiaseng Samla.

Nei liang u Rev. K. Syiemlieh heiwa da saam ya ka khubor na ka ktien yong u Blai da chim wei pynchong nongrim na ka Gospel u Mathios ka lyngnong wa 2 wa ka dkhot wa 11, heiwa da khana chaphang ki stad na ri mihngi kiwa bood ya u khlur wa yah luti hadooh wa poi ki ha ka thaw wa kha ya u nongpynim ka pyrthai u Jisu Khrist.

Heijooh i por da kyntu u leh ya ki khynnah yong ka NEIMA wow kynmoo ki wa u Jisu Khrist man sakhiat u utæ u nongyada wa u nongsumar wa tam ha ka jingim kawa manla ka sngi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Jingiaseng Samla da e sñiawwbha wa kynthup ya ki suka, cha waroh ki khynnah ka NEIMA kiwa em hadooh 28 ngut, khnang wa u yoh bynta wow yaleh kmen Christmas.

Ha kani ka sngi da yoh yei rwai kyrpang na ki khon ka Balang, heiwa da synran lang ya ka Jingiaseng Samla ryngkat u P/P M.H Blah, P/P T. Patwet, wa ki Dkhot ka Executive Committee yong ka Jingiaseng Samla ka Balang Presbyterian Khimusniang.