Chem ka KSU Ranikor Circle wa sa T. 34,53,600 ym em pyllait cha kiwa chah ktah ha ki bor ka rymaw ha Ranikor C&RD Block

Shillong: Ka KSU Ranikor Circle da booddien ko hajrong i yarap ya kiwa chah ktah ha ki bor ka rymaw ha u snem 2016 wa ha u snem 2017 hapoh ki chnong wa haap hapoh ka Ranikor C&RD Block.

Hei yatoh wa ini ka seiñ da paan RTI ko na ka yungkrehkaam u Deputy Commissioner ka South West Khasi Hills District heiwa da chem ko wa ka yungkrehkaam u DC da phah proposal wow paan yarap poisa na ka Revenue and Disaster Management Department kamwa T. 92,61,600 neibynta ki 2721 tylli ki manyung wa chah ktah ha ki bor ka rymaw.

Katkam ka jubab RTI da chem wa sa 1044 tylli ki manyung wei sa T. 34,53,600 ka sorkar ympu ye ko u pyllait poisa hadooh katni wei dang em sa kamwa 702 tylli ki manyung kiwa neiliang ka yungkrehkaam u DC da phah chithi ko cha u Branch Manager ka State Bank of India Mawkyrwat Branch nadooh u Naikhynde uni u snem.

Hei yatoh wa kani ka chithi, ka seiñ da yachem ko ya kiwa kreh kani ka Bank kiwa da kular wow pyllait noh ya kani ka poisa neibynta ki 702 tylli ki manyung heiwa neiliang ka yung krehkaam u DC da phah ko ya ka bank wow thap (transfer) bait ya kani ka poisa cha ka Account yong kini ki manyung.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh ka seiñ da dawa ko ya ka tnat Revenue and Disaster Management wow pyllait noh ya ka T. 34,53,600  kawa toh u yoh yarap sa ya ki 1044 tylli ki manyung wa dang sah.

Heijooh i por ka seiñ da ong ko wa daw booddien ko yeini hadooh wa yoh yarap waroh ki manyung kiwa da chah ktah.