Shillong: Ka Quami Ekta Week namo ka National Integration Week kawa mut ka tayaw wow pyn yatylli da sdang ko ynne heiwa da puræ ya ki kyntien kular kawa tip leh kam ka National Integration Pledge da u symbood montri rangbah ka jylla u Dr. RC Laloo ha Secretariat, Shillong.
Hajrong ka thong wow wanrah ya i yatylli khlem da wyrchaw ya ka jaitbru namo ka niam, kani ka “Qaumi Ekta Week” daw sakhi ya ka waroh chi tayaw ha kylleiñ ka ri nadooh ka 19 hadooh 25 tarik uni u bnai.
Kam ynnin ka 19 tarik da sakhi ya ki program wa ha rukom ha kylleiñ ka ri kam ki yalang, ki esikai wa kiwi kiwi wow wanrah ya i yatylli.
U Dr. RC Laloo da kyntu u ya waroh wow man kiwa yatylli wym hoi u leh ya ki kaam wa man pyrchah ya ka ri yow wanrah ya i chongsuk chongsaiñ khlem pyrkhat ya ka niam ka rukom, ka rukom im wa ka jaitbru.
Ha kani ka sngi da emlang leh u Chief Secretary, u T. Tsering ki sahep wa kiwi kiwi.
Discussion about this post