Daw sdang biang ka sorkar jylla ya ka khle nasib yong ka

Shillong: Ka yalang yong ki dhab ki montri ka sorkar jylla da rai ki wow wanrah biang ya ka khle nasib hadien kamwa chiphaw snem da sah hi-eh ko kamtu neidaw ka mukotduma ha yung kasari wa ka MS Associate.

Ka sorkar jylla da yasoi ko wa ka MS Associate ha u snem 2005 wow pyllai ya ka khle nasib tangwa na ki daw wa boon da poi i kaam chadooh cha yung kasari.

Ka yalang da pdiang ko leh ya i e yumut ka tnat Excise, Registration, Taxation wa ka Stamp (ERTS) wow sdang biang ya kani ka khle nasib wow kyntu kynrong ya ka yarong poisa ka jylla.

U montri rangbah da ong u wa i pyllai ya ka khle nasib u man i ha katæ ka rukom wa ki mar toh u lai yaaw bha ki ha kylleiñ neibhah wa da chem wa kiwa pyllai nachwa da leh tooh hi-eh ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ini i pynyakhle daw pynman chisien chi tayaw wei daw pynemkaam da ka kot ka wow lait na i artatien.

Da ong u leh wa ka ERTS daw pynkhreh ko yeiwa emkaam waroh wow pyntikna wa kiwa chim wai u lait ki u leh thok kamwa da jia ha ki por nachwa.

Heijooh i por u Dr. Mukul da ong u wa uwon uwon u bru samen namo ka Company kawa da em bynta wa kiwi ki jylla ym jied de ya ki wow ye ki u leh yeini i kaam hapoh ka jylla neibhah kamwa da man lada elaad ya ki daw leh thok leh tooh ki iwa daw wanrah i doohnong ya ka sorkar jylla.