Shillong: Ka Meghalaya High Court ynne ka sngi da leh burom ko ya u Hon’ble Justice V.P. Vaish, Judge, High Court, Meghalaya, Shillong hadien wa da kyrriah ya oo cha ka Allahabad High Court wei daw chimkti u kam uwa bichaar ka Allahabad High Court nadooh ka 27 tarik uni u bnai.
U Justice Vaish da kha ha ka 27-06-1959 wei da pyndep u ya ka puræ Law na Delhi University wei da psiah u ha ka Bar Council of Delhi ha u snem 1984. Hadien wa man u kam u muktiar kamwa 13 snem da chah jied u cha ka Delhi Higher Judicial Service ha u snem 1997 heiwa da poi u ha i kyrdan wa ar.
Kam u dkhot ka Delhi Higher Judicial Service u Justice Vaish da pait u ya ka Registrar (Vigilance) waka Register General of Delhi High Court. Da jied ya oo kam u Additional Judge of Delhi High Court ha ka 17-04-2013 wei da man u kam u Judge wa pura ka Delhi High Court 19-03-15 wei da phah won ya oo cha Meghalaya High Court heiwa da baam smai u haka 23-05-16.
Hei klam yong u Chief Justice ka High Court ka Meghalaya da kynmoo u ya ki kaam wa bha wa da leh u Justice V.P. Vaish kamjooh kiwi kiwa kynthup ya u Dr. B.P. Todi, Advocate General, Meghalaya, u G.S. Massar, Sr. Advocate, President Meghalaya High Court Bar Association wa u R. Debnath, Central Government Counsel.
Neiliang u Justice V.P. Vaish da khana u ya iwa da mad u hapoh Meghalaya wei da e khublei u ya waroh yei krehlang ki wa oo.
Discussion about this post