Shillong: Ka National General Secretary BJP Mahila Morcha, ka Pooja Kapil Mishra da pynbaad ko wa ka sorkar jylla ym jooh pynkrehkaam bha ko ya ki Scheme ka sorkar pyrdi wa kynthup ya ka Mudra kawa man ka Scheme e ram neibynta wow seiñ khih, ka Jan Dhan Yojana ka wai Bank Account khlem i thap poisa wa ki Scheme ya ki manbei wa punkhon.
Hawa klam wa kiwa pathai khubor ha Shillong ynne ka sngi, ka Pooja da ong ko wa ki Bank ha jylla Meghalaya da phah wow thap ki poisa ki T. 500, T. 1000, wa T. 2000 ha ki paidbah heipor wa wan wai ki ya ki Bank Account lyngba ka Jan Dhan Yojana, iwa ym jooh leh ha kiwi ki bynta ka ri India.
“Nadooh ka Scheme thang bordiñ, ka chuti wa biang neibynta ki manbei wa pynkhon wa kiwi kiwi ym em pynkrehkaam hapoh ka jylla,” da ong ko.
Da kam ko waka BJP da pyrchang ko wow pynsñiawthooh ya i em kini kiwa boon ki Scheme hapoh ka jylla yow tip ki uyi oo u Narendra Modi wa ki yurim wa yieñ u.
Da kam ko leh wa i em ki sarok wa bha hapoh ka jylla da kylla ki du ha kini ki le snem wa synchaar ka BJP ha ka ri, da ong ko wa ki khynroo khyllood ka Meghalaya ki kwah ki ya i kylla wei i kylla daw wan i ha kani ka jylla.
Ka Pooja da kam ko leh wa ka BJP da e nongmuna ko wa kammon u pyllai ya ka sorkar wei kiwi leh da pynboon ki ya ini.
“I em i ha kani ka jylla toh kamwa wan yaleh Exam wei i tip i kammon u leh bha” ong ka Pooja.
Discussion about this post