Shillong: U Sub-Divisional Officer (Civil), Dadenggre Civil Sub-Division (WGH) da ujor wa ha ka 22 tarik da em ki damok wa tooh ya i Battery u Solar Streetlight wa pynyieñ ka Guest House wa em ha Dadenggre (WGH) wei da pynsih ki leh ya uni u Solar Streetlight.
Ha i step ka 21 tarik kawi ka thuk thuk wa em ya u number ML-05E-4796 da chah tooh ko na Jail Road, Shillong.
Ha ka miet yong ka 20 tarik ki pulit da kem ki ya arngut ki bru wa tip kam u Working Roi Maiong (25 snem) wa uwi u khynnah wa dang 13 snem heipor wa dang mut ki u lute kari ha 19th Mile Byrnihat katwa kiwi kiwa emkti da yoh ki u yut.
Ha ka 19 tarik ka Phyrnai Siangshai da ujor ko wa heipor 6:30 i miet, u Ebormi Sana chirup wa u Emlang Ryngkhlem wa sa kamwa 3-4 ngut kiwi da dat ki oo u Ngaitlang Siangshai uwa yah ya ka kari ko wa em ya u number ML-11-1090 ha Tuber (EJH), wei da lute ki T. 10,500 wa kawi ka Mobile Phone wa chongdor T. 13,000 wei da pynsih ki ka ka kari leh.
U Manager ka M/s Mawthiang Wood Products Pvt. Ltd., Umiam (RB) da ujor u wa ha ka 19 tarik heipor 10 waje i miet da em ki damok wa psiah cha ka kamra krehkaam kani ka karkhana dei thmu wow tooh.
U Tarkeswar Yadav da ujor u wa ha ka 18 tarik da em wa tooh ka ka truck u wa em ya u number AS-01FC-8698 na Kongong (EJH).
Ka Nilla B Marak da ujor ko wa ha ka 16 tarik heipor kamwa 4 waje i step, da em ki damok wa wan da ka thuk thuk wei da mut ki u tooh ka ka kari Mahindra Pick-up wa em number ML-08D-5063) na chnong Baljek wa em hapoh ka Jengjal PS (WGH). Tangwa manda mih ki tre yung kini ki bru da yut ki da ka thuk thuk wa wan ki.
Ka Justimai Syiemlieh da ujor ko wa ha ka 2 tarik heipor kamwa 11:40 pyrdi sngi, da em uwi u bru wa ymtipmit da tooh u ya ka muna ko wa em poisa T. 9000 wa ka ATM Card yong ka heipor wa em ko ha dukan yong ka wa em ha Pohkseh, Shillong. Hadien ini da yoh SMS ko wa da em wa sai lut ya ka poisa ko deiwa pynemkaam da ka ATM Card ko.
Discussion about this post