Jowai: Ka Scheme ka sorkar pyrdi wa tip kam ka Ude Desh ka Aam Nagrik (UDAN) kawa da sdang ha uni u snem yow e laad ya kiwa boon kiwa chong chnong u lai ki da Airplane hapyrdi ki chnong wa jan hei dor wa duna, u sdang pynkrehkaam ka Air Deccan ya kani ka Scheme deiwa pynman ya ka Shillong ka Airport wa hapyrdi yow hær cha Agartala, Imphal wa Aizawl.
Hapoh kani ka Scheme i dor Ticket toh T. 2500 samen lada i jngai man i hapoh chikynta na iwi i chnong wa iwi dei hær. Hei sakhiat i dor ticket man i palat yeini tangwa ka sorkar won wow su ya iwa tam cha ki Airlines wa pynemkaam ya kani ka scheme UDAN.
Ka UDAN daw pynyabi ko ya 70 tylli ki Airport hapoh ka ri heiwa kiwa boon ki chnong wa hær ki Airplane kamwa 2 sien chi tayaw daw ku i boon ki Airplane wa hær kam cha kini ki thaw.
Ka Air Deccan daw pynemkaam ko da ki Airplane wa em kamwa 18-20 tylli ki thaw chong wei da booh ya ka 15 tarik u Kmaichonglaad (Dec) wow sdang ya ini waroh na Umroi Airport.
Ka Airport Authority of India (AAI) da pynbiang ko leh yeiwa emkaam kam i tiar ki ki tar ki kor wow thap phniang ya ki Airplane wa kiwi kiwi de wa emkaam.
Ka Air Deccan hapoh ka UDAN daw hær ko leh na Kolkata cha Agartala.
Discussion about this post