Gaya: Ka Central University ka South Bihar (CUSB) hei ya krehlang waka Ministry of Human Resource Development ka sorkar India da pynman ko ya ka Ek Bharat Shreshta Bharat iwa mut ka ri wa tylli wei wow chakri ya ka, ha CUSB wa em ha Gaya, Bihar kawa pynman ha ka 23 tarik uni u bnai.
Ka Ek Bharat Shreshta Bharat da pynman hajrong ka phang North-East India & India’s Development namo i roi i paar ka thaiñ mihsngi wa i roi i paar ka ri India.
U Prof. Kaushal Kishore, Chief Proctor, CUSB hei klam yong oo da ong u wa i ku ki jylla wa em ha thaiñ mihsngi man ko ka thong ka sorkar pyrdi yow pyndooh yei sahdien ki.
U Dr. Rikil Chyrmang, Assistant Professor of Economics, Center for Economics and Policies ka CUSB da man u kam uwa klam hajrong ka phang ha katai ka sngi wei da klam u chaphang wa phær i rukom man ka thaiñ mihsngi nadooh ka dustur riti hadooh ka yaaw ka hat nadooh ki por wa rim.
Da klam u leh chaphang i duna ka roi ka paar, i dooh i duk, i duna sarok wa i ktah ki seiñ kieñ suloi kamjooh i tlot ki sorkar jylla ha ka synchaar khadar.
Da ong u leh yow ku ka ri India emkaam wow yarap u pynku ya kini ki jylla, da klam u leh chaphang ka Look & Act East Policy ka ri India.
Ka Dr. Priya Ranjan, Coordinator da pyntip ko wa daw pynman chooh chooh ya kam kini ki jait yalang wow phyllu yumut hapoh ka lama Ek Bharat Shreshtha Bharat.
Ha katai ka sngi da chimbynta da kiwa boon kiwa puræ ka CUSB deiwa pynsñiaw ki yeiwa pyrkhat ki.
Discussion about this post