Jowai: Ka yalang paidbah ka chnong Mukhla wa pynman ynnin ka miet heipor 6:00 waje ha yung Club ka Mukhla Nongrim neibynta ka Election MLA 2018 da wan kiwa boon ki paaid ka chnong yow pynyoo yei kyrchaan ya u Wailadmiki Shylla kam u kyrtong MLA na Jowai Constituency.
Ha kani ka yalang da jied ya u Michel Lyngdoh kam u President ka Election Committee ka Mukhla Raij Pyllun, u Raymond Suna kam u Vice President Election Committee, u Hachwa Suna kam u Secretary ka Election Committee 2018, u Ista Sumer uwa man leh u Waheh Chnong ka Chnong Mukhla Umlangshor da jied kam u Assistant Secretary Election Committee wei da jied leh ya u Ailad Bhoi kam u Transport Secretary ka Election Committee MLA 2018.
Kiwa emlang da chim ki ya ka rai waka Mukhla Raij Pyllun da iwi i sur wow kyrchaan ya u Wailadmiki Shylla kam u kyrtong MLA uwa daw yaleh na ka NPP.
Discussion about this post