Jowai: U Ferdinand Suchiang uwa man uwi na ki khloor yalehke Jeet Kune Do na ri loom Jaiñtia ha kani ka kynti sa chisien da yoh u wowrah ya ka takma ksiar ha kani hi ka jooh ka yalehke ha ka lympung wa tip kam ka Asia Gold Cup, Jeet Kune Do Championship 2017.
Kani ka lympung toh kawa da pynman ha Sports Complex, Pattaya, Thailand nadooh ka 25 hadooh ka 27 tarik uni u bnai.
Ya kani ka lympung yalehke da pynman da ka Asian Jeet Kune – Do Federation.
U Ferdinand da yoh u ya ka takma ksiar ha ka kyrdan Full Contact – Senior Men 55 Kg heiwa da pynrem u ya u Gayan Chamara Madushank uwa na Sri Lanka.
U Ferdinand ha u Naichiphaw uni u snem da yoh u ya ka takma ksiar ha ka lympung wa tip kam ka 2nd International Hong Kong Martial Arts Meet 2017, kawa da pynman ha Hong Kong.
Sa uwi tawon uwa da yoh ya ka takma ksiar napoh ka jylla toh u Sanbor Lyngdoh Nongpiur uwa da jop ha ka kyrdan 45 kg.
Discussion about this post