Thang kiwa kyrchaan u Ramsiej ya ka lama UDP yei jied kyrtong ka UDP ya uwa heh spah

Nongpoh: Kamwa 65 tylli ki Primary Unit wa kiwa kitkaam wa hakhmat dooh ka United Democratic Party (UDP) na ka Umroi Circle da rai ki wa ym kyrchaan de ki ya ka UDP ha kani ka Election MLA, 2018 deiwa thang syndon ya ka lama ka party.

Kiwa da jied wa ym kyrchaan de ki ya ka UDP toh kiwa kyrchaan ya u Firstforce Deki Ramsiej wei da pynyoo ki ynne ka sngi ha ka yalang paidbah wa khut pynman u Ramsiej ha Bhoirymbong.

Kiwa yahkhmat ka UDP Umroi Circle wa kiwa da ieh ya ka UDP toh u P.S Jana, Joint Secretary, u Aiborlang Lawai, Treasurer, u Iarbok Marwein, Education Secretary, u F.D. Ramsiej, Working President, u Kyrshanbor Rani, Organising Secretary ka UDP Youth Wing, ka Banrisha Nongrum, President Women’s Wing, ka Purity Thabah, General Secretary Women’s Wing, ka R. Syngkli, Treasurer wa kiwi kiwi de ki dkhot.

Hawa yaklam ynne ka sngi, u Ramsiej da pynbaad u wa i chah pyndooh ticket u na ka UDP kawa da dep pynbna nadooh u Naisaphra (August) wei da pynkylla biang ha u Khonchonglad (Nov) heiwa da e ya ka ticket cha u Mangkara Pathaw toh neidaw ka poisa.

Related posts

Lada ym biang u Captain wa yah jhaad daw pynngam u ka, ong u Charles Pyngrope ya ka Congress

August 16, 2025

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Da pyntip u leh wa ki heh ka UDP da phla ki deiwa che kdar wa i e ticket ya u Mangkara toh wa em u ka spah katwa u Ramsiej ym em u ya ka wei da kylli u leh wa “lada ka yakhun ya ka Election wow yoh ticket toh du neibynta kiwa heh spah namo kiwa kammon?

U Ramsiej da ong u wa daw yakhun bait u ya ka Election 2018, neibhah kamwa man katteæ ki paidbah khamtam kiwa rep e mynsien ki ya oo ha kani ka Election da i kyrchaan wa pura.