Hadooh 9 ngut duna kiwa sikai hapoh ka KNGC: Principal

Jowai: U Principal ka Kiang Nangbah Government College u O.U. Lyngdoh ynne ka sngi hawa yachem wa kiwa pathai khubor da pynsñiaw u yei duna kiwa sikai hapoh ka College wa em hadooh 9 ngut kamjooh leh yei chitom ha Higher Secondary ka College heiwa waroh kiwa sikai toh kiwa da thung da ka Contractual Basis kawa 59 sngi donhi ye ki u kreh lada ym pynthymme ya ka Contract.

Da ong u leh em 5 ngut kiwa sikai ha Higher Secondary wa da pyndep ya ka Exam ka MPSC tangwa ya ki hadooh katni ympu em thung ya ki kam kiwa sikai wa pura ka sorkar wei manda thung kreh ka sorkar leh ymtip cheiwon u thung ya ki.

Da pyntip u leh wa uwa sikai ya ka Mathematic da dep kyrriah ka sorkar ya oo ha u Naiynñiaw wei hadooh katni hapoh ka Higher Secondary Section ym em wa sikai Mathematics de tangwa boon toh ya kani ka Subject da chim kam ka Additional Subject da ki khynnah kamtæ ym em ware u chah ktah ki.

Chooh chooh da ong u wa neidaw wa thung kreh da ka Contractual Basis boon kiwa sikai mih ki lada yoh kreh ki cha kiwi ki thaw wei du ha kini ki sngi da em kamwa 5 ngut kiwa sikai thymme kiwa dang dep thung wa kynthup ya kiwa sikai Environmental Science, Physics wa Chemistry.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heiyatoh won waka College da ong u wa kamwa man kattæ duna 9 ngut kiwa sikai neidaw wa da em kiwa chong ngiah kamjooh kiwa da ku kyrdan.

Ha English Department duna uwi, ha Political Science 2 ngut, Economics uwi, History uwi, Philosophy uwi, Botany uwi, Chemistry uwi wa Physics uwi.

Heiyatoh waka Hostel ki chynrang won da ong u wa u Contractor da phah kreh ya oo da ka PWD khlem e Work Order wei hadien wa paan poisa u Contractor naka PWD da ong ki wa ym nood ki u e neibhah ym em Work Order kamtæ da sahkut i kreh

Katwa ya ka Hostel ki kynthai won da dep chna tangwa ym ye u wai ya ka toh neidaw ym em chna thaw sah ya ka Warden wei daw pynemkaam noh da ka Quarter ka College wa em hajan kani ka College kam ka Warden Quarter wei ha uni u snem wow wan daw wai noh ya kani ka Hostel.

Heiyatoh won wa i chna pynheh ya ka College lyngba ka poisa wa T. 2 Klur wa yoh naka RUSA da pyntip u wa i kreh dang lai i cha khmat.