Jowai: Ki artylli ki yalehke Quarter Final ka 3rd Division ka WJDSA wa pynman ynne ka sngi da sdang da ka yalehke hapyrdi ka Caroline waka Mynsngat.
Ka Caroline da jop ko da 3-1 da ki kool wa thap u Myrda Lamurong ha ka minit wa 12, u Iolang Lathong ha ka minit wa 23 wa u Donal Litting ha ka minit wa 52. Ya ka Mynsngat da thap u Cleofast Bamon ha ka minit wa 67.
Ha ka Quarter Final wa bood won ka Mulang Ialong da pynrem ko ya ka Evergreen Mukhla da 2-0. Ya ki kool da thap u Tellme Mulieh ha ka minit wa 34 wa u Ram Bang ha ka minit wa 64.
Da ini i jop, ka Caroline waka Mulang Ialong da psiah Semi Final ki.
Mynstep ka 8 tarik won u pyndep ya ka Final ka Super Division ka wa daw pynman hapyrdi ka Khimusniang waka 7 Wasa heipor 1 waje i sngi.
Discussion about this post