Wai u Zenith Sangma ya ka yungkrehkaam ka Damalgre C&RD Block wei da booh moo-yurim ya ka yingkeiñ doi doi

Ampati: U Montri ka tnat Sports & Youth Affairs u Zenith Sangma ha kani ka 6 tarik da wai u ya ka Damalgre Community and Rural Development (C&RD) Block Office ha Rerapara wa em hapoh ka South West Garo Hills.

Ha kani ka jooh ka sngi da booh u leh ya ka moo-yurim ka yingkieñ doi doi ka wow chna najrong ka wa Ganol hei bynta ka Anggalgre wa Lower Damalgre.

Ka Damalgre C&RD Block Office daw chakri ko ya 149 tylli ki chnong wei da chna ya kani ka yungkrehkaam ha i thaw wa heh 10.71 Hectares wa e Nokma ka Rerapara.

Ka yingkieñ doi doi ka wow em ha Anggalgre, toh kawa jrong 140 meter wei da chna hapoh ka Rural Infrastructure Development Fund XXIII hei dor T. 2.70 Klur ka wow pynkrehkaam da ka tnat PWD (R) wei da yooluti wow pyndep ya ka heipor kamwa 5 bnai.