Kyrchaan ka SWSRJ ya u SS Langi

Jowai: Ka Synjuk Waheh Shnong Ri Jaiñtia (SWSRJ) lyngba ka khubor na u H. Phawa Publicity Secretary ka seiñ da pynsñiaw ko yei mynsien wa kmen wa jop u Waheh CHnong ka Ummulong u S.S. Langi hei yatoh wa i thung Acting Waheh Chnong heithaw yong oo da ka E.C. ka JHADC hei yatoh ka A.O. wa u Dolloi ka Elaka Jowai.

Ka seiñ da kitbok ko ya oo wow chah jied biang u kam u Waheh Chnong wa pura wow chakri yaka kam imlang sahlang.

Ka Synjuk da kyntu ko leh ya ka E.C. ka JHADC, ka A.O. wa ki Dolloi ki Elaka wow pynkrehkaam hok ki ya ka aiñ wa pynmih ha u 2015 yow lait na i awri awra wa i kynrum kynram hapoh ka chnong ka thaw.

Da kyntu ko leh ya waroh ki Waheh Chnong wa ki Dorbar Chnong wa ymtoh u pynpsiah ya i sñiaw Politics hapoh ka imlang sahlang khnang wow ye u wanrah yei chongsuk hapoh ka chnong.