Ka yutip wa bniah hei yatoh wei kylla ka kari ha Moosalyngkat ynnin i miet

Jowai : Ynnin ka miet heipor wa 6:47 da em ka wi ka local taksi wa em u number ML 04 A 0687 da kylla ko dei chrooh ha Moosalyngkat. Ynnin ka miet ym em da che bha neiyi i daw wa jia ya ka kamni.

Hadien wa bood dien yeiwa jia da chem wa ya katai ka taksi da yah da u ma Donbok Papang. Wei da dep booh ujor (FIR) u leh ya waroh iwa jia ha ka Jowai Police Station.

Katkam ka FIR da pyntip u ma Donbok wa heipor 6:15 i miet ynnin ka 28 tarik heipor wa ku u cha Ladthadlaboh da em ka wi ka kari Hyundai Eon wa em u number ML 04 B 1009 wa yah da u bru wa tip dei pyrtuid sin kam u Maidong deilang wa em haroh u tre ka kari u ma Monlang Nongtdu na Tyndowapung, Ladthadlaboh da tyrrah ki ya kani ka local taksi heiwa da kheiñ ka Side Glass. Hadien wa u ma Donbok da pyrchang u ya klam wa kini ki arngut da maham joor ki oo.

Kamtæ u ma Donbok da psiah u hapoh ka kari u deiwa thmu u lai cha Police Station deiwa hiar na Moosalyngkat cha Iawmusiang. Ka tai ka Hyundai Eon da bood dien ko ya ka kari u ma Donbok wei manda poi ha Moosalyngkat da chem ya ka kari u ma Donbok wei da tyrrah ya ka kari u ma Donbok na liang u dribar hadooh wa da kylla wei da kyruiñ i khmat ko cha Ladthadlaboh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heini i jooh i por da em sa ka wi ka lokal taksi wa wan nadien ka wa hiar cha Iawmusiang ka wa em u number ML04 B 0203. Ka Hyundai Eon da ran dien ko ha katai ka kari wei da piah ki Headlight yong ka.

Nei liang ki pulit da wan ki wut wut cha i thaw wa kylla ka kari wei i takit dang lai bait i cha khmat.