Rah u Paul ya i eh i khoo wa yachem kiwa khih mylla wa kiwa sikai SSA

Shillong: Ha kani ka dorbar tlang ka sorkar jylla ynne ka sngi, neiliang u MLA ka UDP ka Shillong West, u Paul Lyngdoh da rah u wow yania da ka Special Motion ya i eh i khoo wa yachem kiwa sikai skur khamtam kiwa sikai SSA, Adhoc wa ki Deficit wei kamjooh kiwa khih mylla wa tip leh kam kiwa kreh Casual ha ki tnat sorkar, wa kiwi kiwi.

Hawa wanrah ya kini ki 4 tylli ki phang u Paul Lyngdoh da ong u wa ka sorkar ka toh u kynthup ko ya i su tulop thymme ya kiwa sikai skur Deficit katkam ka 5^th Pay Commission wei wow pyllait noh ya ka tulop kiwa sikai SSA kawa da sah da san bnai, wei kamjooh wow pait ya kiwi i eh kiwa yachem kiwa khih mylla.

U Paul da ong u wa kamwa ka sorkar da pynku tulop ya kiwa kreh sorkar, da toh leh wow pynku ko ya ka tulop ya kiwi tawon kiwa kreh ha kiwi ki kaam.

Da ong u wa ka sorkar toh u pyndooh noh ya i phiah kyrdan ya kiwa sikai nadooh ki Deficit, ki Adhoc, ki Deficit Pattern wa kiwi kiwi tangwa toh u e i jooh i kyrdan ryngkat i su deiwa man salonsar.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Da dawa u wa ka sorkar toh u su ko ya ka nongsngi ya kitu ki bru kam kiwa kreh Contract ha ki tnat sorkar kamwa yoh kiwa kreh pura katkam ka hukum ka Supreme Court wow su katkam wa man i jooh i kreh.

Chooh chooh da ong u wa ki tnat sorkar kiwa thmu wow ksih ya ki bru kiwa kreh Contract du neibynta wow pyllang spah pynya ki hi, wei ya kam ini ka sorkar toh u pait u sylli wei wow bichaar bniah ko.