Shillong: Ki MLA na ka liang synchaar wa na ka liang pyrchah ynne ka sngi da kitbok kit rwiang mar kylliang ki yow yoh biang ki u yawan cha ka Yung Dorbar Chna Aiñ ka jylla hadien ka Election 2018.
Ha kani ka sngi kawa man ka sngi khaddooh yong ka Dorbar Tlang kini ki MLA wa katni chwa wow lai ki cha ki paidbah, da sakhi ya i klam kitbok yong ki MLA kiwa da rap heh na waroh ar liang kiwa kynthup ya kiwa na ka liang synchaar wa ka liang pyrchah.
Hawa klam ha kani ka sngi u Lamphang u AT Mondal da ong u wa kam u lamphang ka yung dorbar da pyrchang u katwa ye wow man uwa bait uwa man salonsar wei u wym yachah chilliang hawa pyllai u ya ki dorbar.
Da pynsñiaw u yei mynsien wa angnood u wow yoo wow chna noh ya ka yung dorbar wa thymme kawa da pyrchang wow booh moo-yurim ha ka sngi kut kani ka dorbar tangwa ini da sepai i neidaw wa ym ye u kiar.
Da kitbok u wa warok ki MLA u jop biang ki ha kani ka Election 2018 hanlada chong ko ha ka rai u paidbah.
U Montri Rangbah da kitbok u ya waroh ki MLA ynne ka sngi wow jop biang ki wei daw em leh ki khmat thymme ki wow wan cha kani ka yung dorbar.
Neiliang uwa yahkhmat ya ka liang pyrchah u Dr. Donkupar Roy da e khublei u ya u Lamphang uwa da ye u pyllai ya ka dorbar khamtam wow chah jied neibynta ini i kaam uwa da mihkhmat ya ki jaitbru kiwa khian paaid hapoh ka jylla.
Ha ini i kitbok da yachim bynta leh u DD Lapang, u Dr. RC Laloo, u Paul Lyngdoh, u Ardent M Basaiawmoit, u Martin M Danggo, u Ronnie V Lyngdoh, ka Ampareen Lyngdoh, u Rowel Lyngdoh, wa kiwi kiwi.
Discussion about this post