Shillong: Ka Meghalaya Energy Corporation Limited (MeECL) ynne ka sngi da kular ko ha khmat ka KSU Ranikor Cirlce wa kiwa yahkhmat ka chnong yong ka Photeitsim wow pynbiang chwa da ki Solar Light chwa wow pyllait poisa wow pynpoi da ka bordiñ neibynta ki paidbah kani ka chnong.
Ya ini da ong hadien wa yachem wa ki heh ka MeECL ha Shillong ynne ka sngi.
Ka seiñ da pyntip ko wa ya kani ka chnong da tipmit chnong ya ka da ka Hima Maharam wa ka KHADC ha u snem 1996 wei da em ko leh hapoh ka Census nadooh u snem 2000-01 wei katni da em palat 30 tylli ki manyung tangwa nei leh chilliang kiwa mihkhmat kam u MLA u MM Dango wa u MDC u M. Nongrem, kani ka chnong da chah ieh khonswet ko hadooh katni.
Chooh chooh da ong wa dei lai mih ka seiñ man ki por, ka MeECL da kular ko wow wanrah chwa da ki Solar Light ha waroh ki manyung yong kani ka chnong chwa u bnai Thohlakhmi (Feb) u snem thymme wei daw riñ won sa ka bordiñ ki deiwa pynsmat katwa ye.
Ka seiñ da ong ko wa daw boodien ko wow pyntikna waka MeECL u leh ko yeiwa da kular ko.
Discussion about this post