Da wai ya ka Public Toilet ha Mowtyrshiah-A kawa chongdor T. 5 Lak

Jowai: Ka Dorbar Chnong Mowtyrshiah-A ynne ka sngi da yoh ko u wai pynem warom ya ka Public Toilet namo ka thaw lai paikhana paidbah wa em ha Nein Shnong Mowtyrshiah-A da u Winning G Sungoh uwa man kam u EM i/c Education yong ka JHADC.

Ha kani ka sngi da emlang u Chanky Lyngdoh MDC ka Sahsniang, u Hamly Dkhar Waheh Chnong Mowtyrshiah-A wa kiwa chong chnong yong ka chnong.

Ya kani ka thaw da chna dei yarap poisa u Winning G Sungoh heiwa i lut da kynjoh i cha ka T. 5 lak.

U Waheh Chnong hei klam yong oo da yaroh wei da pynsñiaw u yei sñiawngooh ya u Sungoh wa da yarap u ya ka chnong da kani ka paikhana.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Chanky da yaroh u ya ka chnong Mowtyrshiah wa man ko ka chnong ka wa khooid bha cha kini ki thaiñ wei kiwa chong chnong leh man ki ki bru kiwa sñiawthooh bha.

U Winning hei klam yong oo da yaroh u ya ka Hoily Sungoh wa da e mynkna ko ya i thaw yong ka cha ka chnong wow chna ya kani ka Public Toilet, da ong u kani man ko ka nongmuna ya kiwi kiwa chong chnong wow man ki kiwa sbun mynsien neibynta i roi i paar ka chnong, da ong u leh wa deiwa em kani ka thaw ye i u pyndooh yei lai paikhana kulmar.

Ha kani ka sngi da pynman ya i pynkhooid chnong kawa khooid da ka Mowtyrshiah Youth Welfare Organization ryngkat i krehlang wa ka Dorbar Chnong Mowtyrshiah-A.