Dooh ka AAP ya ka Security Deposit ha waroh ki Constituency wa yaleh ko ha Gujarat

Jowai: Ynnin ka 18 tarik ym du wow man ko ka wow sahkynmoo ya ka BJP hadien wa jop ko ya ka Election ha Gujarat wa ha Himachal Pradesh, tangwa daw sahkynmoo leh yeiwa boon dooh wa jied ya ka NOTA ha ka Election hapoh kawon kawon ka jylla ka ri.

Kawi won ka party kawa daw sahkynmoo ha ki paidbah toh ka Aam Aadmi Party (AAP) heiwa katkam ka yutip wa tikna, daw dooh ko ya ki Security Deposit ha waroh ki 33 tylli ki constituency wa yakhun ko ha Gujarat neidaw wym yoh ko 1/6th ki vote wa thap ki bru.

Ym du kattæ, ka AAP da boon dooh yoh Vote ko ha ka wi ka Constituency toh ha Chhota Udaipur deiwa yoh ko 4,551 Vote wei da poi ko ha wa soo hadien ka NOTA.

Ka AAP ha ka Election ha Gujarat da rai ko wow yakhun du ha ki 33 Constituency na ki 182 tylli.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha ki 5 tylli ki Constituency ka AAP da chah pynrem ko ha ka NOTA.

Katkam ka kyndon Sec. 34 (1) (b) yong ka R. P. Act 1951, u kyrtong wa haap hapoh ka General Category wow yaleh ya ka Assembly Election emkaam u su ki ya ka Security Deposit wa T. 10,000, katwa u kyrtong na ka Scheduled Caste / Tribe emkaam wow su ki du T. 5,000.