Shillong: Ka sorkar jylla ynne ka sngi da rai ko wow ekti ya ki ar tylli ki Power Project namo ki kreh wow pynmih bordiñ ha Umduna wa Umjot cha ka North Eastern Electric Power Corporation Limited (NEEPCO).
U Dr. Mukul hei klam wa kiwa pathai khubor ynne i janmiet hadien wa kut ka Cabinet Meeting u montri rangbah ka jylla u Dr. Mukul Sangma da ong u “Daw ekti u ya kini ki ar tylli ki kaam cha ka NEEPCO.”
Ha ki yalang Cabinet wa da pynman ha kini ki bnai wa dadep da rai wow pyndam ya i kreh ha kini ki ar thaw cha ki Company samen neidaw wym ye ki u pynbiang yeiwa emkaam.
U Mukul da ong u leh wa chwa ini da pyrkhat wow ekti ya kini ki kreh cha ka MeECL namo ka NEEPCO.
Ynne ha kani ka Cabinet da pdiang wow ekti ya ka 210 Megawatt (MW) Myntdu Leshka Hydro Power Project – Stage II wa ki 15 tylli ki Power Project cha ka Meghalaya Energy Corporation Limited (MeECL).
Discussion about this post