Hadien ka Khristmas u pynbna kyrtong ka Congress

Shillong: Ka Indian National Congress (INC) ha ka jylla daw pynbna ko ya ki kyrtong yong ka neibynta ka Election MLA hadien ka lehkmen Khristmas.

Hawa yaklam ynne ka sngi wa kiwa pathai khubor u Dr. Mukul Sangma da ong u wa da em i yaklam wa ki heh ka All India Congress Committee (AICC) neibynta i e ticket ka party ya ki kyrtong.

Da kyntait u leh wa i slem ka Congress wow pynbna kyrtong toh wym biang ki bru yong ka deiwa ong “I em i ya ka Pradesh Election Committee wa ka Central Election Committee ki wow bichaar bniah ya ki kyrtong chwa wow pynbna ya ki.”

Da ong u wa em ki Constituency wa ka party haap bichaar bniah ko neibhah em i yaknieh ticket ha Laskein wa ha Shangpung (iwa mut ha Raliang Constituency wa ha Mowkaiaw Constituency), iwa pynman iwa eh ya ka party u rai yeiyi u jied ko.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Hawa kylli won lada ka Congress daw  pdiang biang ko ya ki MLA wa da yut lada kwah ki u uiñ kylla, u Dr. Mukul da ong u wa kawon kawon ka party em ki bru kiwa kwah u psiah wei u pdiang ko ya ki wei pyllait ko leh ya kiwa kwah u mih.