Amlarem: Ka dong Pdenglarun kawa haap hapoh ka chnong Khonglah West Jaiñtia Hills District, da pynman ko ya ka 4th Felicitation and Education Excellency Award 2017 kawa pynman da ka Pdenglarun Social and Dvelopment Committee ha madan bol ka chnong Khonglah.
Ha kani ka sngi da em u MLA warim ka 7-Amlarem Constituency u Lahkmen Rymbui uwa man ka u kongsan, u MDC ka War West u Het Pohthmi, u President ka dong Pdenglarun u Gedeon Lamin, wa u Waheh Chnong ka Khonglah u Solomon Lamin.
U kongsan hei klam yong oo da yaroh u ya ka dong Pdenglarun wa pynkup burom ko ya ki khynroo khyllood wa wan cha khmat ha ka puræ puthi wa man ko leh kam wow pynchlur ya ki wow minot chooh chooh ki yow nang ku ki cha khmat wow wanrah ya ka burom ya ka jaitbru wa ya ka imlang sahlang wei wow em ki ya ka mynsien sñiawkhian wow yarap ya kiwi wei heijooh i por da kyrmen u wa daw mih chooh chooh kam kini ki khynroo khyllood ki wa wanrah burom ya ka chnong Khonglah wa ka thaiñ Ri-War waroh ka wi.
Ki wa da pynkup burom ha kani ka sngi toh ka Thabitha Lamin, u Hougton Lamin, u Marshall Pohlong, ka Aibok Khonglah, ka Judy Pohlong, ka Cendy Pohlong wa u Pynhun Sumer kiwa wan ha ka kyrdan First Division ha ka SSLC.
Ka Fervency Lamin, ka Aidiamcarry Lamin, u Longdun Pohktai wa u Kchethynsui Lamin kiwa wan ha ka kyrdan First Division ha ka HSSLC (Science Stream) wa ya ki 3 ngut kiwa da pyndep ya ka Master Degree (M.A.) napoh NEHU kiwa kynthup ya u Apphorozein Lamin (Political Science), ka Syrpai Talang (English) wa ka Deshalin Lamin (Khasi).
Kiwa da pyndep ya ka Diploma toh u Amos Talang wa u Batskhem Lamin (Automobile Engineering), ka Steffany Lamin (Fashion Designing) wa ka Jendeshalom Lamin (B.Pharm).
Da pynkup burom leh ya u Dr. J.C. Alepes Lamin uwa man kam uwa nyngkong napoh ri-loom Jaiñtia uwa da pyndep ya ka kyrdan M.D. Radiotherapy na Lucknow.
Discussion about this post