Da ki laptop saam ka sorkar cha ki 204 ngut ki khynnah kiwa pass bha ha ki exam waphær waphær

Shillong: Ka tnat Information Technology Department yong ka sorkar jylla ynne ka sngi da pynkup burom ko deiwa saam ko ya ki Laptop cha ki 204 ngut ki khynnah kiwa pass bha ha ka exam SSLC wa HSSLC 2017 yong ka MBOSE, ISC wa CBSE ha ka yalang wa pynman ha Yojana Bhavan, Shillong.

Ha kani ka pynkupburom da em ka montri ka Information Technology, ka Dr. M. Ampareen Lyngdoh kawa da man kam ka kongsan, u Principal Secretary, IT, u D.P. Wahlang, u Secretary kani ka tnat, u M.R. Synrem wa kiwi kiwi.

Hei klam kam ka kongsan ka Lyngdoh da ong ko wa kani ka sngi man ko kam ka sngi wow sñiaw sarong ya ki manbei manpa wow yoo ki ya ki khon yong ki wow chim ki ya kini ki khusnaam.

Da ong ko leh wa ki manbei manpa toh u man ki kam ki chrot kiwa kyrchaan ya ki khon yong ki khnang wa ki khon yong ki u man ki kiwa thaw thij ya ka thong wei wow man ki wa minot khnang wow man ka mynried ka yong ki kawa jop wa kawa tyrchaaiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U D.P. Wahlang da ong u wa ki manbei manpa toh u man ki kwia husiar hei yatoh wa ka thong yong ki khon yong ki neibhah em chiboon iwa ye ki u leh khnang wa ki khynnah u ye ki u kynjoh u poi cha kani ka thong wei toh u e laad ya ki u jied ya ka thong wa kwah ki yow man ki ym du kiwa stat kamjooh leh kiwa kmen.

Kiwi kiwa da klam ha kani ka sngi toh u M.R. Synrem wa u E. Lyngwa.