Jop ka Raliang ynne ka sngi ha ka MSL

Jowai: Ki yalehke ka Meghalaya State League (MSL) ha Jowai chwa wow sdang ka Semi Final ha kani ka 27 tarik, ynne won da pynman ya artylli ki yalehke heiwa heipor 11 waje i step ka Raliang da yachem ko waka Jalaphet Lumsachram.

Ha kani ka yalehke ka Raliang da jop ko da 6-1 ya ka Jalaphet.

Ki kool ka Raliang da thap u Nangroi Lamare ha ka minit wa 13, u Iaishaniah-I Dkhar ha ka minit wa 32, 40 wa 78, u Ramme John Lyngdoh ha ka minit wa 57 wa 84. Ka kool yong ka Jalaphet da thap da u Das Dkhar ha ka minit 90+1.

Ha ka yalehke wa bood haprydi ka Umladthkur waka Umkiang da kut ko mar chi kool heiwa u Skendrowel da thap kool u ya ka Umladthkur ha ka minit wa 14 wa u Snei Dkhar ha ka minit wa 33.