Chah dat le ngut ha Nongbah wa kynthup ya kawi ka kynthai

Jowai: Kawi ka kynthai wa tip kam ka Merica Hinge da ujor FIR ko ha ki pulit ka Women Cell, Jowai Police Station pyrchah ya uwi u bru wa tip kam u Wicklyfy Sungoh wa khut sin leh kam u Phi uwa na Dukhu, Nongbah.

Ha ka FIR da ong wa u Phi da wan u da ka kari Alto K10 wa em number ML-04B 9962 wei da sai da dat u ya ki arngut ki chynrang wa chong ha kawi ka Sumo wei da thaap u leh ya ka Merica wei da patah u ka cha sarok wei da tba kti u ka wei hadien wa kiad ko da yoh ko u psiah biang chapoh kari kawa da yut na ini i thaw wa jia ha Momala, Nongbah ynne ka sngi heipor 10 waje i step.

U Phi da maham u ka ka Merica wa daw wan pynkulmar u dei miet ha yung sah yong ka.

U Phi da booddien biang u ya ka da ka kari u hadooh wa poi ha Mukoisyiem wei da pampakhet u ya ka Sumo wa chong ka Merica wa kini ki arngut ki chynrang wa chah dat tangwa neidaw wa boon ki bru wa yoo yeini ym em jia dei iyi iyi leh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ha ka FIR da kyrpaad na ki pulit wow kem wei wow pynchitom ya uni u bru yow lait na i tieñ wei syir mynsien.

Kiwi kiwa da chah dat leh da ujor FIR ki jar jiar wa kynthup ya u Dalar Biam wa u V. Hinge heiwa u Biam da kit ya oo cha NEIGRIHMS.