Jowai: Kam chibynta wow pynkhooid pynjngiar ya kawi na ki thaw wa kyntang hapoh Jowai, ynne ka sngi ka Khynroo Khyllood Committee (KKC) yong ka Seiñraij Jowai da pynkhooid ki ya u Loom Mooliksoo.
U Loom Mooliksoo toh u loom heiwa ki khon ka Niamtre pyndep ki ya ka niam ka rukom hawa em i haap i oor namo hawa yap mynsoo wei ha ini hi i thaw da pyndep leh ya ka niam wa khaddooh ya u Woh Kiang Nangbah.
Yeini da leh ynne ka sngi neibhah wa ha kani ka 30 tarik uni u bnai u man ko kam ka lyngkhooh snem wa chah pasi u Woh Kiang Nangbah wei kamwa jooh man khlieh snem daw leh warom ka Seiñraij ya kani ka sngi.
Ya ini i pynkhooid da leh hapoh i yahkhmat u Chairman wa u Secretary ka Committee u Ladwan Dkhar wa u Sienmi Lato, kiwa kitaakm ka Seiñ Raij wa ki dkhot ka Committee.
Ha ini i pynkhooid da wan chimbynta da ki khon khynroo khyllood ka KKC heiwa da wær ya ki phlang ki rnem, ki kot ki plastic, wa kiwi kiwi wei da niaam puchara leh ya ki chram ki rana ha kani ka thaw.
Discussion about this post