Jowai: Kamwa jooh leh man u snem neibynta wow pynka-it pynkasar ya ki khon ka chnong ha chwa wow kut u snem, ynnin ka janmiet da wai pynem warom yaka Panaliar Week 2017 da u Waheh Chnong u Riquoma Rq Laloo ha Yungwalieh Panaliar ka wow kut hadooh ka miet 31 tarik.
Ya kani ka Week yong uni u snem da pyllai da ka Khynroo Khyllood Committee heiwa da em ka yalang tbian wada pyllai wei da pdiang burom yaki wa wan da u Wombai Sumer uwa man kam u Chairman ka KKC.
Da yoh yei klam na u Ram Sumer, Secretary SMC heiwa da batai u yeiwa mut kani ka Week wei i thmu yong ka kam chi bynta wow pynku yei sap yei phong yong ki haki bynta waphær waphær.
Da yoh leh yei klam na u kongsan u Riquoma Rq Laloo heiwa oo leh da kyntu joor u yaki khon ka Chnong wow yachim bynta ki haki prokram ymtoh du kat wow yoh Prize tangwa iwa emkaam dooh toh u pynyoo yei sap yei phong wada e kyrpang u Blai Kynrad ha waroh.
Ha kani ka Week daw pynleh chiboon ki yakop kam ka chaad ka rwai ka put ka tem, ka Quiz Competition, riam tynre, wa kiwi kiwi.
Ha chwa wow sdang ya ka prokram da yoh ya i kyntien ngooh Blai na u B.M.Shilla uwa man u Secretary ka Niamtre Committee.
Discussion about this post