“Em painkhana 100% ki skur SSA.” Ong u DC ka West Jaintia Hills
Jwai: U Deputy Commissioner ka West Jaintia Hills District da pynbna u wa ka East wa ka West Jainita Hills District deilang da ye ki u pynmanskahit ia i thong u Prime Minister dei wa ye ki u em painkhana ha waroh ki skur wa pynlai da ka SSA.
Ki soo tylli ki tnat sorkar wa kynthup ia ka Public Health Engineering (PHE), Meghalaya Construction Company (MGCC), Meghalaya Electricity Corporation Ltd (MeECL) waka Mahindra Private Limited da chna ki 1700 tylli ki painkhana ha ki distrik ka Jaintia Hills. Ya kani ka thong da ye ki u pyndep chwa ia ka 10th uni u Naisaphra kam wa da buh pork ka sorkar.
Ka tnat PHE da chna ko 832 tylli, ka MGCC 363, ka MeECL 503 wa ka Mahindra Private Limited chan ko 2 tylli.
700 tylli na kini painkhana da chna ha uni u bnai wa dang dep ha waroh artylli ki distrik.
Thung dein ka BSF ha ka St. Anthony’s College, Myndihati
Myndihati: Ka Border Security Force (BSF) Sector Jowai ynne ka sngi da lai thung dein ki ha soo dong ki pud ka St. Anthonys College kawa em ha ka chong Myndihati ha East Jaintia Hills District.
Ini i thung dein man i kam chibynta wa leh kmen ia i dap 50 snem ka BSF ha ri India. Ia ka BSF da pynyien lama ia ka ha ka 01-12-1965 kamte hakani ka 01-12-15 daw lehkmen ha waroh ka ri ia i poi mo mer 50 snem iong ka BSF.
Ha kane ka sngi da wan shim bynta ha i thung dieng da u Deputy Inspection General SHQ BSF Jowai, N.D Bahujuna, u Deputy S.P. East Jaintia Hills, ki BSF, ki khynnah pule ka St.Anthony’s College, ki khynnah skul ka Little Star Academy wa ki khynnah skul ka Don Bosco
Kynriah ophis ka District Labour, West Jaintia Hills
Jwai: Ka District Labour Office kawa em ha Dongmihsngi, Ladthalaboh, Jowai da kynriah ia ka cha Caroline Colony Ladthalaboh hadein ka District Mission Coordinator, SSA Office pyrchah ia ka Apex Bank, Ladthalaboh Branch.
Kani ka ophis u kreh kam ko na ini thaw thymme naduh ka 11th uni u bnai.
Ia ki kot ki sla iong phi ye phi phah noh ha ka address District Labour Office,
Caroline, Ladthadlaboh, Near DMC, SSA Office, West Jaintia Hills
Discussion about this post