Shillong: Ka Congress kawa synchaar katni ya ka jylla daw haap sai bru thymme ko hadoohchiphaw ngut hadien wa mih noh ki MLA na ka party.
Kamwa man hadooh katni ka Congress da dooh ko neibhah ki 6 ngut ki MLA da mih ki na ka seiñ wei em won ki wym yakhun de ha ka MLA Election 2018.
Ki MLA wa da mih na ka seiñ toh u Prestone Tynsong, u Sniawbhalang Dhar, u Ngaitlang Dhar, u Rowell Lyngdoh, u Coming One Ymbon kiwa da ieh yei kaam MLA ynnin ka sngi wow psiah noh cha ka National People’s Party (NPP) chirup wa u Pynsngain N Syiem u wa psiah cha ka PDF.
Ki le ngut kiwi won ki wym yakhun de kynthup ki ya u MLA na Nongpoh u Dr DD Lapang, ka MLA na North Shillong, ka Roshan Warjri wa u dkhot wa rim ka Congress na Jowai, u Dr RC Laloo.
Kattu emkaam u pait lada ka Congress ye ko u sai ya ki kyrtong wow yaleh pyrchah ya ki seiñ ri-loom kamwa kob u Dr Mukul Sangma.
Discussion about this post